درج ذیل تمام شرائط پوری ہونے کی صورت میں حج فرض ہوتا ہے:
(۱) مسلمان ہونا۔ غیر مسلم ہونے کی حالت میں کوئی عبادت اللہ کے ہاں قبول نہیں ہوتی۔
(۲) بالغ ہونا۔
(۳) عقل و شعور کا ہونا۔ یعنی بے ہوش اور پاگل شخص کی کوئی عبادت معتبر نہیں ہوتی۔
(۴) مالی اور جسمانی استطاعت کا ہونا۔ مالی استطاعت سے مراد یہ ہے کہ حج کے اخراجات برداشت کرنے کے بعد بھی اس کے پاس اپنے اہلِ خانہ کی کفالت جاری رکھنے کے لیے کافی مال اور استطاعت موجود ہو۔ جسمانی صحت کے ساتھ سواری کی سہولت، راستے کا محفوظ ہونا، اور عورت ہونے کی صورت میں اس کے ساتھ محرم مرد کا ہونا بھی استطاعت میں شامل ہے۔ ان میں سے کسی ایک میں خلل واقع ہو تو حج فرض نہیں ہوگا۔