یہ امور درج ذیل ہیں:
(۱) منیٰ میں داخل ہو کر کنکریاں مارنے سے پہلے کوئی اور کام نہ کرنا۔
(۲) کنکریاں مارنا شروع کرنے سے پہلے تلبیہ پڑھنا بند کر دینا۔
(۳) ہر کنکری مارتے وقت ’’اللہ اکبر‘‘ کہنا۔ دائیں ہاتھ سے کنکری مارنا۔ مرد ہاتھ بلند کر کے کنکری ماریں۔ عورتیں ہاتھ بلند نہیں کریں گی۔
(۴) کنکری کا سائز گلیل کی گولی کے قریب یا چنے کے دانے سے تھوڑا بڑا ہو۔
(۵) پہلے دن طلوعِ آفتاب کے بعد کنکریاں مارنا سنت ہے۔
(۶) کھڑے ہونے کا مسنون طریقہ یہ ہے کہ مکہ کو بائیں جانب اور منیٰ کو دائیں جانب رکھتے ہوئے ’جمرہ‘ کی طرف منہ کر کے کھڑا ہو۔ پھر کنکریاں مارے۔ اگر بہت زیادہ بھیڑ ہو تو کسی بھی طرف کھڑے ہو کر کنکریاں مار سکتے ہیں۔
(۷) ایک کنکری مارنے کے بعد دوسری کنکری مارنا، یعنی دو کنکریوں کے درمیان زیادہ وقفہ نہ کرنا۔
(۸) کنکریوں کا پاک ہونا مستحب ہے۔ اگر ناپاک ہوں تو بھی ان سے رمی کی جا سکتی ہے، تاہم یہ مکروہ ہوگا۔