مزدلفہ میں قیام

اللہ تعالیٰ نے ابراہیم علیہ السلام کو حج کا جو طریقہ سکھایا تھا، اس میں مزدلفہ میں قیام کرنا بھی سکھایا تھا۔ رسول اللہ صلی اللہ علیہ وسلم نے ابراہیم علیہ السلام کے نقشِ قدم کی پیروی کی تھی۔ آپ نے فرمایا،

«قِفُوا عَلَى مَشَاعِرِكُمْ فَإِنَّكُمْ عَلَى إِرْثٍ مِنْ إِرْثِ أَبِيكُمْ إِبْرَاهِيمَ».

’تم اپنے مشاعر (یعنی عرفات، مزدلفہ اور منیٰ) میں قیام کرو، کیونکہ تم اپنے باپ ابراہیم کے چھوڑے ہوئے دستور کے وارث ہو۔‘[1] اس سے معلوم ہوتا ہے کہ ابراہیم علیہ السلام نے عرفات، مزدلفہ اور منیٰ، ہر مقام پر قیام کیا تھا۔

[1]۔ ابو داؤد: ۱۹۱۹۔