اسے قصی بن کلاب نے ہجرت سے تقریباً ۲۰۰ سال پہلے تعمیر کیا تھا۔ اس کا یہ نام اس لیے رکھا گیا کہ وہ یہاں باہم مشورہ کیا کرتے تھے۔ یہی وہ گھر ہے جہاں قریش کے سردار اسلام کی دعوت کے خلاف منصوبہ بندی کرنے کے لیے جمع ہوتے تھے۔ انہوں نے رسول اللہ صلی اللہ علیہ وسلم کو قتل کرنے کا منصوبہ بھی یہیں بنایا تھا۔
عباسی خلیفہ معتضد نے ۲۸۴ ہجری میں مسجدِ حرام کی توسیع کے وقت دار الندوہ کو مسجدِ حرام میں شامل کر دیا۔ اس وقت یہ مسجدِ حرام کے شمال مغربی کنارے پر واقع ہے۔